नुवें साल रै शुभ दिन राजस्थानी दिवस पर राजस्थानी भासा नै मान्यता अर तीसरी भासा रो तोफ़ो देवण सारू पत्र
नाचीच बीकानेरी. बीकानेर
राजस्थान दिवस नै तीस सूं सिरका अर नुवों भारतीय साल 19 मार्च नवसवतंसर री तिथि सूं राज्य सरकार मन्नावण री तेवड़ी है पण राजस्थानी ने राज्य री तीसरी भासा री घोषणा नी करणों राजस्थान्यां रे साथै न्याय नी है । राजस्थान रै 15 करोड़ राजस्थान्यां री आवाज़ राज्य, देश अर आखै जगत में गूंज रही है भाषा नै मान्यता सारू धरना, प्रदर्शन, ज्ञापन मंत्ररयां सतंरयां नै दे धाप्या पण दिल्ली अर जैपर आली सरकारां टस सूं मस नी कर री है नेतावां भी देखली इये जनता नै घासो देता रो अबै चेतो केरलो जे राजस्थान रो मुख्यमंत्री राजस्थान में नूवें साल पर तीसरी भासा री घोषणा नी करे अर प्रधानमंत्री महोदय राजस्थानीं नै 8 वीं अनुसूची में राजस्थानी भाषा नै शामिल करने री घोषणा नी करे तो आर पार री लड़ाई खातर प्रदेश रा साहित्य प्रेमी, भाषा रा साहित्यकार अर संस्कृति कर्मी आर पार री लड़ाई मांड़न खातर कोछा टांगै राख्या है, अबै राजस्थान रा पढ़ियोडा युवा नाकोनाक घापयोड़ां है।
राजनेतिक पार्टियां भी आपसी भेद मिटा भासा वास्ते एक मंच पर भाषा री लड़ाई मांड़न आगे आवैला । शिक्षा रो नूवो सत्र भी शुरू होंवनो है, नई शिक्षा नीति में भी मातृभाषा पांचवीं तक पड़ावण सारू मास्टर चाइज सी इय्ये खातर शिक्षा मंत्रालय राजस्थान पांचवीं तक राजस्थानी भासा पड़ावण सारू मास्टर भरती री विज्ञति जल्दी सूं जल्दी निकालने री कार्रवाई करे अर पांचवीं तक री किताबां विभाग भेजे। 19 तारीख नै नुवों साल भारतीय नवं सवंतसर री पूर्व सन्ध्या पर मुख्य मंत्री जी अर प्रधानमंत्री जी सूं अरज है ओ तोफो राजस्थान्यां दे ताकि आपरा अर आपरी सरकार नै राजस्थानी युगां युगां याद करै ।
Author: Dilip Purohit
Group Editor
