भणवा हालो रे…
भणवा हालो रे
साथिडां म्हारे साथै
भाईडां म्हारे साथै
थै चालो म्हारे साथै ।
भणवा………………..।।
थांनै हेल्लो देय बुलाऊं
थांनै न्यूतो देय बुलाऊं
थांनै पाती-बस्तो लाय दूं
थै चालो म्हारे साथै ।
भणवा …………………..।।
घर-घर अलख जगाऊं
थांनै साच्ची बात बताऊं
पढ़-लिख थांनै मिनख बणाऊं
थै पढ़वा हालो म्हारे साथै
भणवा……………………….।।
थांरी बाळपणै री कमियां
थानै पग-पग लोगां ठगियां
थै अब तो जाओ जांण
थै चालो नीं हालो म्हारे साथै ।
भणवा हालो रे ..भणवा हालो रे
भाईडां…………..भाईडां………।।
मईनुदीन कोहरी “नाचीज़ बीकानेरी ”
मो.9680868028
Author: Dilip Purohit
Group Editor
