ऊंट
धोरां री इय्यै मुलकती धरा रो ।
जीणै रो आधार ओ ‘ लाडेसर ऊंट ।।
ऊंट नै ‘राज-पशु’ सरकार बणायो ।
माण बधण सूं लाखिणो हुयो ऊंट ।।
ऊंटा सूं सजै जद राज – दरबार ।
चोपायां में सिरै घणों हुवै है ऊंट ।।
ऊंट नै गदीदार पग कुदरत दिया ।
धोरां में खातो घणौ चालै ओ ‘ ऊंट ।।
घणै दिनां तक भूख – तिस सै लेवै ।
ओ’ “रेगिस्तान रो जहाज” बाजै ऊंट ।।
मेला – मगरियां अर तीज-उत्स्वां में ।
गोरब्ंध – गैणा सूं सजधज चालै ऊंट ।।
ब्याव -सादी ऊंट नै बाराती सजावै ।
सेना – फौज में घणा उपयोगी हुवै ऊंट ।।
ऊंट घर-समाज रो माण-सम्मान बधावै ।
मरूधर में रोजी-यातायात रो साधन ऊंट ।।
उंठां रा टोला रा टोला पालै है राईका ।
सीमां माथै आगै-आगै गश्त करै ऊंट ।।
धोरां री धरा रा चावा-ठावा रईस- लोग ।
सवारी री ठसकाई करण सारु राखै ऊंट ।।
जिनावरां में सगलां सूं सिरै घणों हुवै ।
मोरी रै इसारै सू ‘करतब’ दिखावै ऊंट ।।
धोरां री धरा में सैलानयां नै रिझावंण ।
सालो- साल “ऊंट-उत्सव” नै सजै ऊंट ।।
ऊंट उत्सव पे ऊंट प्रजाति रो बचाव कराँ ।
” नाचीज़”मरूधरा री आन-बान है ओ ‘ऊंट ।।
नाचीज बीकानेरी मो-9680868028
“””””””””””””””””””””””””””””””””””””
